Literarischer Sprenkel: inglan is a bitch

Wir bringen in der nächsten Debatte -Nummer einen Beitrag über die jüngsten Jugendunruhen in England. Hier drucken wir den Text eines Rapp-Songs des britischen Dichters, Reggae-Musikers und Soziologen Linton Kwesi Johnson (*1952) zu den Jugendkrawallen von Brixton zu Beginn der 1980er Jahre ab. (Red.)

w’en mi jus’ come to Landan toun

mi use to work pan di andahgroun

but workin’ pan di andahgroun

y’u don’t get fi know your way aroun’

Inglan is a bitch

dere’s no escapin’ it

Inglan is a bitch

dere’s no runnin’ whey fram it

mi get a lickle jab in a big ‘otell

an’ awftha a while, mi woz doin’ quit well

dem staat mi aaf as a dish-washah but

w’en mi tek a stack, mi noh tun clack – watchah!

Inglan is a bitch

dere’s no escapin’ it

Inglan is a bitch

no baddah try fi hide fram it

w’en dem gi’ you di lickle wage packit

fus dem rab it wid dem big taxi rackit

y’u haffi struggle fi mek en’s mett an’

w’en y’u goh a y’u bed y’u jus’ cant sleep

Inglan is a bitch

dere’s no escapin’ it

Inglan is a bitch fi true

a noh lie mi a tell, a true

mi use to work dig ditch w’en it cowl no bitch

mi did strang like a mule, but, bwoy, mi did fool

den awftah a while mi ju’ stap dhu ovahtime

den awftha a while mi jus’ phu dung mi tool

Inglan is a bitch

dere’s no escapin’ it

Inglan is a bitch

yu’a haffi know how fi suvvive in it

well mi dhu day wok an’ mi dhu nite wok

mi dhu clean wok an’ mi dhu dutty wok

dem seh dat black man is very lazy but

if y’u si how mi wok y’u woulda sey mi crazy

Inglan is a bitch

dere’s no escapin’ it

Inglan is a bitch

y’u betta face up to it

dem have a lickle facktri up inna Brackly

inna disya facktri all dem dhu is pack crackry

fi di laas fifteen years dem get mi laybah

now awftah fifteen years mi fall out a fayvah

Inglan is a bitch

dere’s no escapin’ it

Inglan is a bitch

dere’s no runnin’ whey fram it

mi know dme have work, work in abundant

yet still, dem mek mi redundant

now, at fifty-five mi gettin’ quite ol’

yet still, dem sen’ mi fi goh draw dole

Inglan is a bitch

dere’s no escapin’ it

Inglan is a bitch fi true

is whey wi a goh dhu ‘bout it?

 

► Den Song dazu gibt es auf youtube: www.youtube.com, inglan is a bitch

► Weitere Infos zu Linton Kwesi Johnson und seinem Werk auf: www.lintonkwesijohnson.com

Dieser Beitrag wurde unter Debatte Nr. 18, Literarischer Sprenkel veröffentlicht. Setze ein Lesezeichen auf den Permalink.

Hinterlasse eine Antwort

Deine E-Mail-Adresse wird nicht veröffentlicht. Erforderliche Felder sind markiert *